Career advice

Practical guides for a Hong Kong career

Curated writing from operators, recruiters, and HR leaders — written for people building real careers in HK.

← Career advice

Latest Posts

今期流行咩暑期工
Career Path Planning

今期流行咩暑期工

又到暑假又到暑假，學生哥放暑假去玩去癲之餘，很多時都會搵份暑期工賺下外快、自力更生，識下女仔，尋找長大的足迹。   對於暑期工初體驗的一群，最常見的不外乎售貨員、飲食業、派傳單、興趣班導師、補習、接線生、搬運。想做下文青的，可以一試書店助理、旅遊記者；喜歡追求生活品味的，可以嘗試當個咖啡室學徒、畫廊助理；喜歡大自然和動物的可以當寵物店助理員、農場動物護理員、假日農夫；喜歡接觸人群的，可以應徵各式博物館導賞員、生態導賞員、主題樂園兼職等；關心社會的「憤青」，可以自薦擔當環保大使、議員助理；想尋求刺激有趣的可以試下神秘顧客、私家偵探學徒。   其實社會上充滿著各式各樣的暑期工，選擇暑期工時不應這麼早就收窄自己的範圍、局限自己的視野。筆者做過很多不同的暑期工，但都有一個共通點，就是每份工作都建構出現在的自己。你會發現那些軟知識會常常不經意地為你的工作和待人處事方式，帶來一些啟示及助力。職業無分貴賤，只要符合以下條件，都可以趁後生一試：   1. 自己感興趣的：只要是自己感興趣的，就會做得上心，經歷自然深刻，這些經歷會轉化成你的「資產」。   2. 冷門的：人一世物一世，有機會當然要試多些，還不趁這些機會，難道要等到有家有室、「一家大細靠晒你」的時候才去試嗎?

離職工作證明有行規
Job Search in Hong Kong

離職工作證明有行規

HR日常其中一個「職務」，就係日日都出緊唔知幾多份工作證明畀啲離職同事。講到出工作證明，我地一定要出得靚靚仔仔，除左人地要拎去見工之餘，其他公司見到份工作證明岩岩巉巉仲會影響埋公司專業形象。 工作證明除咗要格式整整齊齊、冇錯字、冇錯文法之外，查實仲有一個好重要嘅地方就係離職原因。HR有一個行規，如果個staff係正正常常辭職，喺工作證明都一定會寫明個離職原因。如果係辭職嘅，我地會寫自動離職(resign of his/her own accord)；如果係裁員，會寫明係redundancy；合約完結會寫contract complete，意思即係話畀其他公司嘅同行知，呢個人係喺正常情況下離職，唔係畀人炒。但如果冇寫清楚，HR一睇就會懷疑呢個人會唔會係有問題而畀人炒。所以如果個同事係正正常常離職，但又冇喺工作證明寫清楚個原因，分分鐘會影響到佢搵工。不過當然，我地唔會淨係因為呢句嘢而下判斷，最後都要睇埋面試同reference  check(工作背景審查)嘅結果。 工作證明只係簡簡單單一封文件，但對每個人嘅職業生涯都好重要。試過聽過有啲公司出工作證明慢吞吞，話出封信要成個月。咁樣唔單止影響到人地搵工，仲攪到我地呢啲HR薯仔係咁追。幫幫手，快快手手出份靚仔嘅工作證明，除左係HR責任之餘，仲可以幫到同行畀老細捽少幾次呀。

握手先定係遞卡片先？職場禮儀你識幾多？
Advice Columnist

握手先定係遞卡片先？職場禮儀你識幾多？

與客戶見面時，你習慣先握手還是先遞上卡片？在正式商務場合中，你有否考慮到必要的商務禮儀和細節呢？若不小心在細微之處上犯了錯失，難免讓人留下壞印象，嚴重者更會因小失大，由疏忽變成無可挽救的損失。以下幾條有關商務禮儀的簡單測試題，你有信心全數答對嗎？ 問題一：互相遞送卡片時，應該站起、坐下，還是保持原本位置？ 答案：站起。 交換卡片是雙方初相識時最快了解到對方的方法，因為卡片標示了對方的身份與地位。無論對方職位高低，我們都應該站起以表示友善的態度，釋出「有幸結識對方」的訊息。即使原本雙方都坐下了，我們仍應該站起，以示尊重。 問題二：初時與對方見面，應該先握手還是先遞卡片？ 答案：先握手 商務拜訪時，應該先和對方握手，表達問候之後才交換名片。握手有問好之意，相信大家總不會希望交換完卡片之後才說「你好」吧！ 問題三：握手時應該由高層還是低層主動先伸手？ 答案：高層 以往為了特別看待女士，會由女士先伸出手來握手。但現今社會講求男女平等，不再斟酌於性別，通常由高層先伸出手來表示友善。當然，若果發現對方（高層）忘記主動握手，自己亦可先伸出手來，避開尷尬局面。 問題四：商務飯局應該由誰結帳？ 答案：邀約者