踏入搵工旺季，Fresh Grad嘅你可能對前路覺得迷茫，唔肯定未來職業方向；做咗幾年嘢嘅你又可能覺得每日都捱緊想轉工。如果你依家係搵緊工同時又非常迷茫，以下呢個性格測試應該幫到你，睇下自己到底適合咩職業！
MBTI：助你揾合適嘅職業發展方向
搵工最緊要揀啱自己性格嘅工。有部分公司甚至用MBTI作爲招聘測試，去評估求職者與職位嘅契合度。到底MBTI係咩嚟？MBTI（Myers-Briggs Type Indicator）係十六型人格測試，主要用嚟測試職業性向。呢個測試會分為4個維度，每個維度有兩個方向：
以上4個範疇嘅選擇形成咗 16 種唔同嘅職業傾向，而每種人格有各自擅長嘅領域，呢16種人格大致可以咁樣分類：
而今次我哋會討論下 INFP 以及 ESTJ 兩種截然相反嘅人格究竟適合咩職業。
INFP：情感豐富嘅「哲學家」
有好多藝術相關嘅名人都係INFP人格，例如Hayao Miyazaki （宮崎駿，日本動畫大師）、Jeon Jungkook (田柾國，著名韓國樂隊BTS成員）、Johnny depp (強尼·德普，著名演員）。
經常被稱為哲學詩人嘅INFP，從事藝術及創作相關嘅工作就啱晒啦！INFP比較靦腆、敏感、想像力豐富、超鍾意幻想。佢哋容易察覺其他人嘅情緒，有强大同理心，所以擅長傾聽以及安慰人。通常佢哋會避免衝突，接受唔同人嘅意見。缺點就係做野雖然靈活彈性，但有時唔識分次序。
合適職業：作家、記者、演員、編輯、設計師、插畫家、心理學家、社工
ESTJ：講求實際嘅「組織家」
唔少出名嘅政治家或者商業領袖都係ESTJ人格，例如Steve Ballmer（前Microsoft行政總裁）、Lyndon B. Johnson（美國第36任總統）、Sonia Sotomayor（美國最高法院大法官）。
ESTJ性格外向，鍾意同人互動。佢哋講求實際，相信個人經驗多過抽象嘅想像，亦鍾意學習實用性較高嘅技能。佢哋更重視邏輯性，可以理性咁作出批判，唔會感情用事，缺點就係唔擅長處理其他人嘅情緒。佢哋組織能力比較強，可以清楚咁表達自己嘅原則，係非常有效嘅管理者。ESTJ非常適合領導角色，可以嘗試喺事業上博一鋪。
合適職業：企業家、CEO、政治家、律師、會計、金融、銷售代表
做MBTI要注意嘅地方
想了解自己性格嘅可以到16 personalities做免費網上測試，進行初步嘅自我認知已經足夠。其實MBTI只係一個參考，最緊要都係搵到一份自己有興趣嘅工作，唔好俾MBTI局限咗自己。
如果覺得而家份工唔啱你，揾過份工跳出Comfort zone仲好啦！
