上次講到喺見工面試中，如果面試官問到: 「你有咩缺點?」，你應該點揀缺點去講。今次就教你點將缺點包裝做優點，將陷阱題變為加分題!
未睇Part 1 嘅，快啲睇咗先啦: LINK
將缺點變為優點
面試前，你應該先列出了一份缺點清單，之後再諗點呈現。首先，應該盡量避免使用帶有負面含義嘅詞語。例如，唔好講“我哋未達到銷售目標”，而係講“我哋有百分之八十嘅成功率”。
面試官問呢個問題其實係想睇你有無意識到自己犯錯嘅原因同你解決問題嘅方法，所以你應該好好把握機會，轉化自己嘅弱點做優點。首先你要表明知道自己需要改進嘅地方，再講自己用咗咩方法改善，最後達致咩結果，以向面試官證明你係一個積極、勇於改變嘅人。
用S.T.A.R.方法
你可以用S.T.A.R.方法令你嘅回答更具體。S.T.A.R.代表嘅係情境（Situation）、任務（Task）、行動（Action）和結果（Result）。
Situation 情境：描述具體嘅情況或遇到嘅問題
Task 任務：你嘅工作目標或期望嘅結果
Action 行動：你點解決問題
Result 結果：你嘅行動帶來嘅結果
事例：
情境: 我喺XYZ科技公司擔任軟件工程師嘅其中一項職責係撰寫某開發項目嘅每週進度報告
任務: 我嘅直屬經理反映，雖然我嘅報告非常詳盡，但某部份對於業務經理過於技術性，並且經常喺截止日期之後提交。
行動: 為咗改善呢個問題，我報名參加某大學舉辦嘅技術寫作課程，令我學到唔可以花過長時間收集信息，要預留更多寫作時間，而且報告中亦應該用更直接嘅語言，減少專業術語。
結果: 我嘅直屬經理指出我嘅寫作有好大進步，並稱讚我可以按時提交報告。另外，我仲被指派組織一系列技術寫作研討會，將我所學嘅知識同其他同事分享。
希望呢個方法可以幫到你好好包裝自己 ，將缺點轉變為優點，令面試官覺得你態度積極、正面，令佢留下深刻嘅印象，增加面試成功嘅機會!
原文: LINK
