Advice Columnist

【辭職都有學問】Last Day 都有最後5樣嘢要做

你嘅辭職申請已經被接納，而你嘅同事可能已經準備好點歡送你。但Last Day 果日你除咗要準備散水餅，其實仲有嘢要做! 快啲睇下呢個Checklist，以正面及專業嘅態度去結束最後一個工作日，留返個好印象畀公司同同事。

1. 整理好個人嘅電子物品及雜物

就好似你嘅車尾箱一樣，你可能堆放咗好多物品喺公司，包括個人或專業用具。Last Day 就係你嘅最後機會去將自己最愛嘅水杯、舒適嘅辦公室拖鞋帶到新公司，或帶返屋企。

除咗個人物品，你仲要仔細檢查你電腦上所有嘅檔案，你要肯定你已經取得你所需嘅檔案，亦要肯定其他嘅同事們係需要嘅時候，亦能搵到你以前負責嘅工作檔案。其實要做嘅事好簡單，你可以選擇喺公司伺服器上創建一個以你嘅名字命名嘅文件夾、建立Dropbox檔案、或壓縮所有檔案並將檔案Send畀上司。無論你揀邊一個方案都好，唔好忘記你都可能需要一個Copy，作為自己嘅記錄及放喺個人檔案之上。（請留意你嘅合約上有無註明任何關於使用公司檔案作非公司事務用途嘅條款）

你應該再次檢查嘅地方：

你嘅辦公桌
共享抽屜、櫃子，或其他公共空間
你嘅工作電腦、手提電話以及平板電腦

實體物品清理貼士：

適當處置或回收廢物；唔好留畀你嘅下手或清潔工人幫你善後
正確將檔案分門別類，或提供實體文件畀其他負責同事
擦一擦你嘅桌面和電腦

電子檔案清理貼士：

喺你嘅工作電郵設立自動回覆訊息，表示已經離開公司並提供新嘅聯絡人資料
如果你有開支帳戶，確保所有付款和自動轉帳已經處理好，或轉至另一個戶口
登出並刪除所有工作電腦上嘅個人帳戶同檔案
保留或轉寄重要嘅電郵副本
清除網上瀏覽器記錄
清除資源回收筒
登出所有帳戶
留下一個清單，列出同工作相關嘅帳戶登入資料
假如已經有協議，記得歸還任何公司嘅設備

如果合約許可，你都可以留一份商業聯絡人資料嘅副本。

2. 注意言辭

離開公司嘅自由感可能煽動你將自己真正嘅想法講出嚟，但你永遠唔會知道你喺將來會同咩人一齊工作。如果你已經有新嘅工作，呢個都唔係一個適合吹噓自己嘅時候，否則可能會令你嘅同事產生怨恨、妒忌，亦顯得自己自大。建立正面嘅商業關係能為未來嘅項目做準備，即使你唔在乎人際關係，但個人信譽會一直伴隨住你，尤其係你嘅新工作同上一份工作屬於同一個行業。

3. 確保你嘅項目已經妥善安排

先假設你已經花咗離職前最後幾個星期嘅時間，盡自己所能去嘗試完成所有你牽涉在內嘅項目。如果你需要喺最後一日同同事交接你嘅工作，加上備註或指示列明自己嘅項目進度，就可以令其他同事過渡得較為順利去完成整個項目。無論係網上或面對面，同你嘅上司和同事開一個短暫嘅會議去交代所有事項都係一個好嘅選擇。

你亦需要通知辦公室以外嘅同事（例如供應商、生產商）你離職嘅消息以及新嘅聯絡人資料。

4. 同人事部同事核對

唔好唔記得查詢一下你嘅醫療保險、報銷或退休金狀況，唔好漏咗呢筆潛在資金。你都可能需要同舊公司講你將會喺新公司使用嘅帳戶，方便人事部嘅同事安排過渡。

5. 好好道別

你可以直接同經理和同事表達感謝，但唔洗突然同所有人變得友好。你可以交換電郵或互相喺LinkedIn Follow對方，既可以留下聯絡資料，亦可以同對方聯誼。傾談中，如果得知別人享受同自己工作，或多或少都係一種正面嘅鼓勵。

Last Day 當日你可以向自己有合作嘅同事或全公司Send一個離職電郵，你應該以一個積極嘅態度去寫呢封電郵，好好表達感謝同道別，亦可以留低你嘅個人聯絡方法，方便接手同事有問題時可以問你，亦可以同佢哋保持聯絡。

最後，唔好忘記同你嘅老闆講聲再見！咁對沒有離職面談嘅公司尤其重要。你可以趁機會得到職業建議，亦可以好好道別，結束一段工作關係。就算你對公司有意見，都唔好投訴，要提出具建設性嘅建議，為對方留下一個正面印象。

Farewell , last day , 辭職

Keep reading

Related career advice

Advice Columnist

【職場心理學】上司話你唔夠狠，下屬話你唔撐佢哋——做中層，你係人肉避雷針

Head count凍結，上司call你入房話：「你自己諗辦法。」下屬問你年加幾多，你知道答案，但唔敢講。高層宣布新政策，問有冇問題，你笑住話「冇」，但你心裡清楚返去個部門一定炸鍋。績效review，你要寫低屬下嘅不足，但寫嗰陣你係唔舒服嘅，因為佢哋真係有盡力。開完會，上司叫你「帶領好個team嘅方向」，但連你自己都唔知方向係邊。你夾喺中間，上唔到、落唔得。高層嫌你執行力唔夠；下屬覺得你唔夠幫佢哋發聲；HR話你要做好榜樣；另一半問你點解又係咁夜返屋企。某一日，你喺東鐵線車廂裡，有個陌生人跟你對眼笑咗一下——你差啲想喊。有時喺輔導工作中，我遇到嘅中層 manager，坐低嘅第一句往往係：「我唔知自己係咪做錯咗啲乜。」你以為係你管理技巧唔好？唔係嘅。喺心理學入面，呢個叫「情緒勞動」（Emotional Labor）——即係持續壓抑或管理自己嘅真實情緒，去配合組織對你嘅形象要求（Hochschild, 1983）。做中層嘅人，每日都要演一場無劇本嘅戲：對上管理期望、對下管理情緒、對外管理形象——而你自己嘅感受，係冇位置擺嘅。長期嘅情緒勞動，係職場 burnout 最常見、又最容易被忽視嘅根源之一。就好似一架升降機嘅緩衝彈簧——佢嘅功能係吸收衝擊、保護兩邊。但如果長期超重、冇保養，彈簧遲早會斷。緩衝係你份工嘅一部分，但唔代表你要用自己嘅身心做消耗品。有一個有用嘅覺察練習：每個星期，寫低三件「唔係我份工、但我一直係咁做緊」嘅事。唔係叫你即刻唔做，而係讓自己知道——你嘅邊界喺邊，你係幾時開始一點一點失去自己嘅。覺察，係改變嘅第一步。做中層嘅你，好少被讚，好少有人問你「你點呀」。今日，我想問你：你點呀？唔使答得好好聽。只係停一停，不加批判地承認：「係，我最近好攰。」呢份誠實，係你對自己最大嘅善意。你唔係一個齒輪，你係一個人。參考資料Hochschild, A. R. (1983). The managed heart: Commercialization of human feeling. University of California Press.Kahn, R. L., et al. (1964). Organizational stress: Studies in role conflict and ambiguity. Wiley.

Advice Columnist

升職加薪後，為何很多人反而更焦慮？

上月專欄談到，在裁員、縮編及經濟不確定性下，職場人士需要建立「財務韌性」，讓自己即使面對收入中斷，仍然保有生活與選擇的空間。但有趣的是，最近接觸不少客戶時，我發現另一個現象：有些人明明升了職、加了薪，甚至晉升管理層，焦慮感卻沒有減少，反而愈來愈重。按常理推算，收入增加應該帶來更多安全感，為何現實往往相反？問題很多時不在收入，而在生活模式。收入增加了，壓力卻沒有減少曾有一位四十多歲的管理層客戶，十年間薪酬幾乎翻倍，由月入四萬元增至接近八萬元。表面看來事業發展理想，但當我們一起檢視財務狀況時，卻發現他的壓力比十年前更大。原因很簡單。收入增加後，他換了更大的住宅，供款增加；子女升讀國際學校，教育開支上升；家庭旅遊、保險及生活消費亦同步提高。結果雖然收入增加了一倍，但每月可自由運用的現金流卻沒有明顯改善。更重要的是，他開始不敢轉工。因為一旦收入出現空檔，整個家庭開支結構都可能受到影響。這種情況在中產及管理層人士之間其實相當普遍。高收入，不等於高安全感近年有一個財務規劃概念稱為「生活膨脹」（Lifestyle Inflation），意思是當收入增加時，支出亦同步上升，結果財務自由度未有真正改善。從職涯管理角度來看，這亦是一種風險。不少人以為職場安全感來自更高薪酬或更高職位，但真正的安全感，很多時來自保留選擇權。當你有能力拒絕不適合的工作、可以接受短暫轉型期、甚至有空間進修或探索新的職涯方向時，你才真正掌握主動權。相反，如果每月開支已完全依賴當前收入水平，即使職位再高，也可能陷入「不能停、不能轉、不能錯」的壓力循環。那麼，升職加薪後應如何避免陷入這種情況？我認為有三個值得思考的方向。第一，讓收入增長快於生活成本增長。每次加薪後，未必要即時提升所有生活開支。把部分新增收入轉化為儲蓄、投資或退休規劃資產，長遠往往比單純增加消費更有價值。第二，建立與收入無關的資產。無論是投資組合、強積金、自願性供款，甚至其他長期資產，本質上都是將今天的工作收入轉化成未來的選擇權。第三，定期檢視自己的「財務自由度」。問自己一個簡單問題：如果今天失去工作，現有資源足夠支撐多久？答案未必需要非常充裕，但至少應讓自己擁有重新規劃下一步的時間。職場發展當然重要，但我認為衡量成功不應只看職位高低或薪酬數字。真正值得追求的，或許不是賺得更多，而是在收入增加的同時，仍然保留選擇人生的能力。因為高薪不一定等於自由，而能夠掌握選擇權的人，往往才擁有真正的安全感。

Advice Columnist

【IT事務所】駕馭未知的浪潮：企業在持續進化的 AI 時代下的道德標準與管治之道

在數位經濟與人工智能技術高速發展的今天，企業正面臨一場前所未有的技術變革。隨著大型語言模型與自主智能體（Agentic AI）的持續進化，企業在享受自動化與生產力提升的同時，也無可避免地遭遇了複雜的道德與管治（Governance）難題。若缺乏完善的監管框架，AI 的失控不僅可能引發公關危機與合規風險，更可能損害企業的長期競爭力。因此，深入理解並建立具備韌性的 AI 管治機制，已成為現代企業不可迴避的戰略核心。企業在引入 AI 時首當其衝的挑戰便是算法偏見與歧視。AI 模型的輸出品質高度依賴於其訓練數據，若歷史數據本身潛藏社會偏見，AI 系統便會不加思索地放大並延續這些不公。以人力資本管理為例，曾有跨國企業開發 AI 簡歷篩選系統以加速招聘流程，卻發現系統因過去十年的技術職位多由男性擔任，進而「學會」對包含女性特徵詞彙的簡歷給予較低評分。這種情況若發生在銀行或保險業的信貸審批上，將對特定族群造成系統性歧視，進而引發嚴重的合規風險與潛在的金融爭議。另一個不容忽視的難題是深度學習模型的「黑箱」特質與透明度不足。即使是系統開發者，往往也難以確切解釋 AI 是如何推導出特定結論的。在醫療健康診斷、保險理賠評估或金融爭議處理等需要高度問責與精確性的領域中，這項缺陷尤為致命。若 AI 系統拒絕了客戶的理賠申請或作出了不利的決策，企業卻無法向大眾與監管機構提供清晰的邏輯解釋，這將嚴重摧毀消費者信任。因此，「可解釋性 AI」（Explainable AI）的發展與應用，對於推動技術落地至關重要。此外，在日常營運中，員工若在未經授權的情況下使用面向公眾的生成式 AI 工具，極易在不知不覺中輸入企業機密或客戶的敏感數據，這凸顯了防範數據隱私與商業機密外洩的迫切性。面對上述挑戰，企業必須摒棄僵化的政策，轉而建立一套動態且跨部門的 AI 管治框架。AI 的應用早已超越單一資訊科技部門的範疇，企業應籌組涵蓋技術、法務、合規、人力資源及業務代表的專責委員會，共同制定符合企業核心價值觀的 AI 使用政策。同時，企業必須實施分級風險評估機制，針對不同應用場景採取差異化管理。例如，用於撰寫一般行銷文案的低風險系統可採常規監管；但涉及客戶信用評分、自動化醫療決策等高風險領域，則必須強制進行嚴格的「偏見審計」，並確保人類在決策流程中保留最終決定權。在技術部署與企業文化層面，企業應積極引入私有化與企業級的 AI 解決方案，透過安全的隔離環境處理敏感數據，從根本上阻絕資料外洩的風險。然而，技術的防護仍需配合持續的內部審查與教育訓練。由於 AI 模型會隨著時間推移產生「數據漂移」（Data Drift）導致預測失準，企業必須定期對系統進行回溯測試。更重要的是，管治不僅是限制，更是賦能。企業應致力培養全體員工的數位素養，教導他們識別輸入敏感資訊的風險，並學會批判性地評估 AI 生成的結果，而非盲目信賴。總結而言，在數位轉型的浪潮中，AI 的管治與道德標準絕非阻礙創新的絆腳石，而是企業實現永續發展（Sustainability）的堅實護城河。一間能夠負責任地運用 AI、嚴格保障數據隱私並確保算法公平性的企業，將能在未來競爭激烈的市場中贏得深厚的社會信任與品牌價值。唯有將「道德設計（Ethics by Design）」的理念深深植根於 AI 應用的每一個環節，企業方能在這場持續進化的技術革命中穩健前行。